Սիրիայում տասնչորս տարվա հակամարտության պատճառով տասնամյակներ կպահանջվեն տնտեսական, սոցիալական և զարգացման առաջընթաց գրանցելու համար, այս մասին նշվում է ՄԱԿ-ի Զարգացման ծրագրի (ՄԱԶԾ) զեկույցում։ Փաստաթղթի համաձայն՝ այսօր 10 սիրիացիներից ինը ապրում է աղքատության մեջ, իսկ յուրաքանչյուր չորրորդն անգործ է:
Զեկույցը նախազգուշացնում է, որ աճի ներկայիս տեմպերով տնտեսությունը չի վերականգնի ՀՆԱ-ի մինչկոնֆլիկտային մակարդակը մինչև 2080 թվականը (կամ առաջիկա 55 տարվա ընթացքում):
2010 թվականին Սիրիայի ՀՆԱ-ն կազմել է 62 միլիարդ դոլար, սակայն կրճատվել է ավելի քան կիսով չափ։ 2011-2024 թվականների ընթացքում կորցրած ՀՆԱ-ի գնահատված կորուստը կազմում է մոտ 800 միլիարդ ԱՄՆ դոլար:Վերջին հինգ տարիների ընթացքում ՀՆԱ-ի միջին աճը կազմել է տարեկան 1,3 տոկոս։
