Իրանի Իսլամական հեղափոխության պահապանների կորպուսի ռազմածովային ուժերի նոր հրամանատար է նշանակվել ծովակալ Ալի Օզմային։
«Թասնիմ» գործակալության փոխանցմամբ՝ նա իր առաջին հայտարարությունում ԱՄՆ-ին և Իսրայելին նախազգուշացրել է նախկին գերագույն առաջնորդ այաթոլլա Ալի Խամենեիի մահվան համար «մոտալուտ հատուցման» մասին՝ ընդգծելով, որ Իրանի զինված ուժերը կշարունակեն հետևել Խամենեիի որդեգրած ուղուն։
Ալի Օզմային նախկինում ղեկավարել է Պարսից ծոցի իրանական հարավային կղզիներն ընդգրկող ռազմական շրջանը։ Նա ԿՍԻՀՊ-ի ռազմածովային ուժերի հրամանատարի պաշտոնում փոխարինել է ծովակալ Ալիռեզա Թանգսիրիին, որը, ըստ հաղորդումների, զոհվել է 2026 թվականի մարտին Իրանի դեմ ամերիկա-իսրայելական հարվածների հետևանքով։
