Շվեդիայի ոստիկանությունը նախաքննություն է սկսել դիվերսիայի առնչությամբ՝ կապված Ֆինլանդիան և Գերմանիան կապող ստորջրյա հեռահաղորդակցության C-Lion1 մալուխի ենթադրյալ վնասման հետ։
Ավելի վաղ SVT հեռուստաալիքը հայտնել էր շվեդական Գոտլանդ կղզու մոտ Բալթիկ ծովում մալուխի ենթադրյալ վնասման մասին։ Շվեդիայի առափնյա պահպանության տվյալներով՝ մալուխը միացնում է Ֆինլանդիան և Գերմանիան։ C-Lion1 մալուխի օպերատոր Cinia-ն ասել է, որ ենթադրյալ վնասը չի ազդել կապի աշխատանքի վրա:
«Սաբոտաժի վերաբերյալ նախաքննություն է սկսվել՝ ոստիկանությանը տրամադրելու անհրաժեշտ գործիքներ՝ դեպքի հանգամանքները պարզելու համար», - SVT հեռուստաընկերությանը հայտնել է ոստիկանության ներկայացուցիչը։
C-Lion1 մալուխը նախկինում երկու անգամ վնասվել է 2024 թվականի նոյեմբերին և դեկտեմբերին:
