Վրաստանում «մայդան» կազմակերպելու փորձը ձախողվեց, և այն երբեք չի կայանա երկրում։ Այս մասին հայտարարել է Վրաստանի վարչապետ Իրակլի Կոբախիձեն։
«Ինչ վերաբերում է բողոքի ակցիաներին, ապա մենք այսօր կարողացանք ամբողջությամբ չեզոքացնել այդ ռեսուրսը։
Մյուս կողմից՝ «Վրացական երազանքին» ընտրություններում աջակցող ավելի քան 1 մլն 120 հազար մարդ կա։ Չորս կուսակցություն գումարած ամենահարուստ ՀԿ-ները միասին չեն կարող նույնիսկ 2 հազար մարդ հավաքել։ Սա է նրանց իրական վիճակը, որը շատ լավ է մեր երկրի համար։
«Մայդանը» տապալվեց Վրաստանում և երբեք չի կայանա»,- ճեպազրույցում ասել է Կոբախիձեն։
Նոյեմբերի 28-ին Վրաստանում բողոքի նոր ալիք է սկսվել։ Խորհրդարանի շենքի մոտ ամեն օր բողոքի ակցիաներ են տեղի ունենում։
