Իսրայելական բանակը զանգվածային գնդակոծում է Գազայի հատվածի կենտրոնական և հյուսիսային շրջանները և օդային հարվածներ հասցնում Քամալ Ադվան հիվանդանոցին։
Ինչպես հաղորդել է քաթարյան Al Jazeera հեռուստաալիքը, զորքերը գնդակոծում են Նուսեյրաթ քաղաքի հյուսիս-արևմտյան ծայրամասերը և մոտակա պաղեստինյան փախստականների ճամբարը, որը գտնվում է անկլավի կենտրոնական հատվածում: Հեռուստաալիքը նաև տեղեկացրել է Գազայի հատվածի հյուսիսում գտնվող Բեյթ Լահիայի և Քամալ Ադվան բժշկական կենտրոնի վրա հարձակումների մասին։
Նշվում է, որ հիվանդանոցի բակում անօդաչու թռչող սարքի հարձակման արդյունքում առնվազն մեկ շտապօգնության մեքենա է ոչնչացվել։ Զոհերի մասին տեղեկություններ չեն հաղորդվում:
