ԱՄՆ նորընտիր նախագահ Դոնալդ Թրամփն առաջարկել է խոցել անհայտ անօդաչու թռչող սարքերը, ինչպիսիք են Նյու Ջերսիի և Նյու Յորքի երկնքում երևացողները, եթե երկրի իշխանությունները չհրապարակեն դրանց մասին ավելի մանրամասն տեղեկություններ:
«Առեղծվածային անօդաչու թռչող սարքեր են նկատվել ամբողջ երկրով մեկ: Կարո՞ղ է դա իսկապես տեղի ունենալ առանց մեր կառավարության իմացության: Ես այդպես չեմ կարծում: Հենց հիմա ասեք այդ մասին հանրությանը: Հակառակ դեպքում, խոցեք դրանք»,- գրել է նա Truth Social սոցիալական ցանցում։
Սպիտակ տան Ազգային անվտանգության խորհրդի ռազմավարական հաղորդակցությունների համակարգող Ջոն Քիրբին լրագրողների համար ճեպազրույցում ասել է, որ Ներքին անվտանգության դեպարտամենտը և Հետաքննությունների դաշնային բյուրոն ուսումնասիրում են Նյու Ջերսիում անօդաչու սարքերի հարցը։
