ԱՄՆ նախագահական ընտրություններում հաղթած Դոնալդ Թրամփը դիտարկում է Իրանի վրա կանխարգելիչ ավիահարվածներ հասցնելու հնարավորությունը՝ Իսլամական Հանրապետությանը միջուկային զենք ստեղծելուց կանխելու համար, գրում է The Wall Street Journal-ը՝ վկայակոչելով իրազեկ աղբյուրներին։
Ըստ հրատարակության զրուցակիցների՝ հանրապետականը Իսրայելի վարչապետ Բենիամին Նեթանյահուի հետ վերջին հեռախոսազրույցի ժամանակ ասել է, որ անհանգստացած է իր նախագահության օրոք իրանական միջուկային ճեղքման հնարավորությամբ և տարբերակներ է փնտրում նման արդյունքը կանխելու համար։
Այլ աղբյուրներ նշում են, որ Թրամփի հետ Իրանի հարցը քննարկելիս երկու տարբերակ է դիտարկվել։ Դրանցից մեկը ներառում է ռազմական ճնշման ավելացում՝ ավելի շատ ամերիկյան զորքեր, ինքնաթիռներ և նավեր ուղարկելով Մերձավոր Արևելք:
«Միացյալ Նահանգները կարող է նաև վաճառել Իսրայելին առաջադեմ զենքեր, ինչպիսիք են բունկեր պայթեցնող ռումբերը, ինչը կուժեղացնի նրա հարձակողական ուժը և թույլ կտա նրան անջատել իրանական միջուկային օբյեկտները»,- գրում է հրատարակությունը։
