«Ռուսաստանն օգնել է Սիրիայի Արաբական Հանրապետությանը ժամանակին հաղթել ահաբեկիչներին, օգնել է հասնել իրավիճակի կայունացմանը, երբ այն սպառնում էր ողջ տարածաշրջանին։ Դրա համար շատ ջանքեր ծախսվեց։ Հետո արդեն Ասադի ղեկավարությունն աշխատել է իր երկրում, զբաղվել է իր երկրի զարգացմամբ», - ասել Է Պեսկովը լրագրողների հարցին, թե արդյոք Կրեմլում կարծում են, որ Սիրիայում տեղի ունեցածը նպաստել է Մերձավոր Արևելքում Ռուսաստանի թուլացմանը։
Դմիտրի Պեսկովի մյուս հայտարարությունները.
Կրեմլը չի բացահայտում Սիրիայում ռուս զինվորականների թիվը. դա ՊՆ-ի թեման է։
Բայդենի վարչակազմը կփորձի Թրամփին ծանր ժառանգություն թողնել ռուս-ամերիկյան հարաբերություններում։
Հատուկ գործողությունը Ռուսաստանի համար «բացարձակ առաջնահերթություն» է և դա կշարունակվի մինչև նպատակների իրագործումը։
Կրեմլում հույս ունեն, որ Սիրիայում իրավիճակը շուտափույթ կկայունանա։
Իսրայելի կողմից Սիրիային հարվածելը դժվար թե նպաստի այնտեղ իրավիճակի կայունացմանը։
Պուտինը դեկտեմբերի 11-ին մի քանի միջազգային հեռախոսազրույց կունենա
