Ուկրաինայի նախագահ Վոլոդիմիր Զելենսկին պատրաստ է Ռուսաստանի հետ խաղաղության։ Այս մասին Դոնալդ Թրամփը հայտարարել է New York Post-ին տված հարցազրույցում։«Նա ցանկանում է խաղաղություն հաստատել: Սա նորություն է։ Նա զինադադար է ուզում։ Նա ցանկանում է խաղաղություն հաստատել։
Մենք մանրամասներ չենք քննարկել։ Նա կարծում է, որ ժամանակը եկել է, Պուտինը նույնպես պետք է այդպես մտածի։ Այս ամենը չի ավարտվի, քանի դեռ խաղաղություն չկա», - ասել է Թրամփը։ Նա հավելել է՝ հայեցակարգ է մշակում, թե ինչպես վերջ դնել ռուս-ուկրաինական հակամարտությանը։
