Մոսկվան Անկարայի հետ երկխոսության մեջ է, այդ թվում՝ Սիրիայում տիրող իրավիճակի շուրջ, հայտարարել է ՌԴ նախագահի մամուլի քարտուղար Դմիտրի Պեսկովը։
«Մենք երկխոսության մեջ ենք տարածաշրջանի այլ պետությունների հետ, այդ թվում՝ սիրիական հարցերի շուրջ, իսկապես, Սիրիայում անկայունության հետ կապված շատ դժվար ժամանակաշրջան է լինելու, և, իհարկե, շատ կարևոր է պահպանել երկխոսությունը տարածաշրջանի բոլոր երկրների հետ», - ասել է Պեսկովը լրագրողներին՝ պատասխանելով այն հարցին, թե ինչպես է Կրեմլը գնահատում Անկարայի դերը Սիրիայում։
Ավելի վաղ Սիրիայի զինված ընդդիմության ներկայացուցիչները, որոնք գրավել էին պետական հեռուստատեսությունը, եթեր էին դուրս եկել՝ պնդելով, որ իրենք վերահսկողություն են հաստատել երկրի վրա։ Սիրիայի վարչապետ Մուհամեդ Ղազի ալ-Ջալալին ասել է, որ ինքը մնում է երկրում մի քանի նախարարների հետ, բայց իրենք չգիտեն, թե որտեղ է պաշտպանության նախարարը։ Վարչապետը նաև ասել է, որ կապ է հաստատել զինված ընդդիմության ղեկավարության հետ։
