Սիրիայի ավիացիոն իշխանությունները երկարաձգել են երկրի օդային տարածքի փակումը մինչև դեկտեմբերի 22-ը, 19:00-ն։ Այս մասին ասվում է NOTAM-ի նոր հաղորդագրության մեջ, որը տարածել են Դամասկոսի թռիչքային տեղեկատվական շրջանի վերահսկիչները։
Միևնույն ժամանակ, դիսպետչերները խորհուրդ են տվել, որ օդանավի անձնակազմը, անհրաժեշտության դեպքում, կապ հաստատի Ամմանի, Բեյրութի կամ Նիկոսիայի հսկիչ ծառայություններին։
Դամասկոսի միջազգային օդանավակայանը դեռևս փակ է ինքնաթիռների ընդունման և բաց թողնման համար մինչև դեկտեմբերի 18-ը։ Հալեպի օդային նավահանգիստը, ըստ դիսպետչերական հեռագրի, փակ է մինչև դեկտեմբերի 17-ի երեկո։
