Անկարան ջանքեր է գործադրում ուկրաինական հակամարտությունը հնարավորինս արագ լուծելու համար։ Այս մասին Անկարայում հայտարարել է Թուրքիայի արտգործնախարար Հաքան Ֆիդանը արտերկրում հանրապետության դեսպանների տարեկան համաժողովի բացման ժամանակ։ Հեռարձակումն իրականացվել է նախարարության X-ի էջում։
«Մենք շարունակում ենք ջանքեր գործադրել Ուկրաինայում պատերազմը դադարեցնելու, վերջին իրադարձությունների պատճառով առաջացած էսկալացիայի վտանգը վերացնելու համար», - ասել է Ֆիդանը` Թուրքիային անվանելով հակամարտության «կողմերի հետ վստահելի զրուցակից»:
