Թող տպավորություն չստեղծվի, որ ցանկացած դեպքում վերևից հնչում է հրաման և դա կատարվում է բոլորի կողմից։ Մեր թիվում որոշումները քննարկվում են և նոր կայացվում։ Այս մասին լրագրողների հետ զրույցում ասել է ԱԺ ՔՊ–ական պատգամավոր Հասմիկ Հակոբյանը՝ անդրադառնալով պատգամավոր Հովիկ Աղազարյանի շուրջ ստեղծված իրավիճակին։Նա նշել է, որ ՔՊ–ում որոշումներն ընդունվում են քվեարկության միջոցով և դրանք պարտադիր կատարման են բոլորի համար։
«Եթե թիմի մասնիկ ես, ուրեմն պետք է համընդհանուր կանոններին ենթարկվես։
Վստահ եմ՝ վարչապետը կխոսեր ինձ հետ։ Եվ եթե վարչապետը խնդրեր՝ կենթարկվեի»,– ասել է նա՝ խուսափելով պատասխանել, թե արդյոք Հովիկ Աղազարյանի որոշումը սխալ է, թե ճիշտ։Պատգամավորը նաև կարծում է, որ Փաշինյանն իրավունք ունի մանդատը վայր դնելու խնդրանքով դիմել պատգամավորներին։
«Գործադիրի ղեկավարը նաև մեր կուսակցության ղեկավարն է, մեր քաղաքական առաջնորդը, հետևաբար ես համարում եմ, այո՛, վարչապետը կարող է խնդրանքով դիմել»,– նշել է նա։
