Փարիզը ուկրաինական զորքերին իրավունք է տվել օգտագործելու ֆրանսիական հեռահար հրթիռներ Ռուսաստանի տարածքի վրա հարձակումների ժամանակ «ինքնապաշտպանության նպատակով»։
Այս մասին BBC-ին տված հարցազրույցում ասել է Ֆրանսիայի արտգործնախարար Ժան-Նոել Բարոն(Jean-Noël Barrault)։ Նա չի հստակեցրել, թե արդյոք դրանք արդեն օգտագործվել են ուկրաինական զինված ուժերի կողմից: «Մենք չենք բացառում որևէ տարբերակ», - ասաց Բարրոն՝ պատասխանելով լրագրողների հարցին, թե արդյոք դա կարող է նշանակել ֆրանսիական զորքերի մասնակցությունը ռազմական գործողություններին։ Արտգործնախարարը նաեւ հավելել է, որ արեւմտյան դաշնակիցները չպետք է սահմանափակեն իրենց աջակցությունն Ուկրաինային։
Ավելի վաղ Բրյուսել ժամանած Բարրոն լրագրողներին հիշեցրել էր, որ Փարիզը դեռ չի փոխել իր դիրքորոշումը Ռուսաստանի տարածքին Ուկրաինայի Զինված ուժերի հեռահար զինատեսակներով հարվածների վերաբերյալ։
