ԿԺԴՀ-ն զգուշացրել է միջուկային զենքի կիրառման հնարավորության մասին՝ համաձայն «Ազգային միջուկային ուժերի քաղաքականության մասին» օրենքի դրույթների՝ ի պատասխան ԱՄՆ-ի և Կորեայի Հանրապետության գործողությունների: Այս մասին ասվում է Կորեայի Հանրապետության պաշտպանության նախարարության մամուլի խոսնակի հայտարարության մեջ, որը տարածել է Կորեայի կենտրոնական լրատվական գործակալությունը (KCNA):
2022 թվականին ընդունված օրենքը նախատեսում է միջուկային զենքի կիրառման հնարավորություն երկրի ղեկավարության և միջուկային հրամանատարության ու վերահսկողության համակարգի վրա հարձակման դեպքում, ինչպես նաև ԿԺԴՀ-ի դեմ միջուկային զենքի կամ զանգվածային ոչնչացման այլ զենքերի կիրառման սպառնալիքի դեպքում:
«Թշնամիների կողմից մեր երկրի դեմ զանգվածային ոչնչացման զենքի հարձակման և կիրառման հետ կապված նման սպառնալիքները կարող են համարվել անվտանգության ամենալուրջ մարտահրավերը, որը պահանջում է «Ազգային միջուկային ուժերի քաղաքականության մասին» օրենքի համապատասխան դրույթների կիրառում», - ասվում է հայտարարության մեջ:
