Մոլդովայի ընդդիմադիր Սոցիալիստների կուսակցության առաջնորդ Իգոր Դոդոնը չի բացառում, որ հաջորդ խորհրդարանը կբարձրացնի երկրի նախագահ Մայա Սանդուի իմփիչմենթի հարցը։
Մոլդովայում նոյեմբերի 3-ին կայացել է նախագահական ընտրությունների երկրորդ փուլը։ Արևմտամետ նախագահ Մայա Սանդուն ստացել է ձայների 55,33%-ը, նախկին գլխավոր դատախազ, ընդդիմադիր Սոցիալիստական կուսակցության թեկնածու, ծնունդով Գագաուզիայից Ալեքսանդր Ստոյանոգլոն՝ 44,67%:
Միաժամանակ, երկրի ներսում ընտրական տեղամասերից արձանագրությունների 100%-ը մշակելուց հետո Ստոյանոգլոն ստացել է ձայների 51,19%-ը, Սանդուն՝ 48,81%-ը։ Նախկինում Դոդոնը բազմիցս քննադատել է ընտրական գործընթացը՝ մատնանշելով քվեարկության ընթացքում հնարավոր կեղծիքները։ Մոլդովայում հաջորդ խորհրդարանական ընտրությունները նշանակված են 2025 թվականի ամռանը։
«Հաջորդ տարի խորհրդարանական ընդդիմությունը պետք է միավորվի, և ես չեմ բացառում, որ հաջորդ խորհրդարանում մենք կբարձրացնենք Մայա Սանդուի իմպիչմենտի հարցը», - ասել է նա Exclusive հեռուստաընկերության եթերում։
