Իսրայելի վարչապետ Բենիամին Նեթանյահուն ենթադրել է, որ Թեհրանի համար ձեռնտու չի լինի Իսրայելին հետագա հարվածներ հասցնելը, քանի որ դա թանկ կարժենա Իրանի տնտեսությունը։
«Իսրայելի վրա հերթական հարձակումը պարզապես կխաթարի իրանական տնտեսությունը, այն կխլի ավելի շատ միլիարդավոր դոլարներ»,-ասել է նա երեքշաբթի «X» սոցիալական ցանցում տեղադրված իրանցի քաղաքացիներին ուղղված տեսաուղերձում:
Վարչապետը պնդում է, որ Իրանի՝ հոկտեմբերին Իսրայելին հասցված հարվածները երկրին արժեցել են 2,3 միլիարդ դոլար, թեև Իսրայելին հասցված վնասը, նրա խոսքով, «չնչին է»:
Հոկտեմբերի 26-ի գիշերը Իսրայելը մի շարք ավիահարվածներ է հասցրել իրանական ռազմական օբյեկտներին, ինչի հետևանքով իրանցի չորս զինվոր է զոհվել։
Սա պատասխան էր իրանական ուժերի կողմից այս աշնան սկզբին Իսրայելի ուղղությամբ հրթիռներ արձակելուն:
Ավելի վաղ Իսրայելի հանրային հեռուստաալիքը հայտնել էր, որ Իսրայելը բարձրացրել է մարտունակությունը հակաօդային պաշտպանության համակարգերում և օդուժում՝ Իրանի կողմից հերթական հարձակման մտավախության պատճառով, որը կարող է լինել նոյեմբերին։
