Իրանի արտաքին գործերի նախարարությունը Կորեայի Հանրապետությանը զգուշացրել է լուրջ հետևանքների մասին, եթե Սեուլը որոշի ռազմական ուժեր ուղարկել Հորմուզի նեղուց։ Այս մասին հայտարարել է Իրանի արտաքին գործերի նախարարության խոսնակ Էսմայիլ Բաղային։
Նա նշել է, որ Կորեայի Հանրապետության և Իրանի միջև հարաբերությունները ավելի քան 64 տարվա պատմություն ունեն և հիմնված են փոխադարձ հարգանքի վրա։ «Իրանը կարևոր է համարում Կորեայի Հանրապետության հետ բարեկամական հարաբերությունները», - գրել է Բաղային։
«Այնուամենայնիվ, այն իրավիճակում, երբ իրանցի ժողովուրդը հետ է մղում ամերիկյան ագրեսիան և վճռականորեն արձագանքում է ԱՄՆ-ի կողմից իրանցի կանանց և երեխաների դեմ իրականացված ռազմական հանցագործություններին, Պարսից ծոցում կամ Հորմուզի նեղուցում այլ պետությունների ռազմական ներկայությունը կամ գործողությանը մասնակցությունը չի կարող չհամարվել ագրեսիայի ուղղակի աջակցություն։ Սա լուրջ հետևանքներ կունենա», - նշել է նա։
«Պատասխանատու և ինքնիշխան պետությունները չպետք է ենթարկվեն ամերիկյան ճնշմանն ու շանտաժին և մասնակցեն հանցավոր ծրագրերին և ագրեսիային Իրանի մեծ ազգի դեմ», - հավելել է իրանցի դիվանագետը։
