ԱՄՆ նախագահ Դոնալդ Թրամփը հայտարարել է, որ Վաշինգտոնն ու Թեհրանը շարունակում են բանակցությունները՝ չնայած ավելի վաղ տարածված տեղեկություններին, թե դրանք դադարեցվել են։
Լրագրողի հարցին, թե արդյոք Իրանի հետ բանակցությունները ներկայումս դադարեցված են, Թրամփը պատասխանել է, որ դրանք շարունակվում են։
«Դրանք ընթանում են հենց հիմա։ Սա զարմանալի բան է։ Այս անգամ նրանք չեն հերքում դա»,- ասել է ԱՄՆ նախագահը։
Թրամփի խոսքով՝ բանակցությունները տեղի են ունենում Իրանի խնդրանքով՝ Սաուդյան Արաբիայի, Արաբական Միացյալ Էմիրությունների, Կատարի և այլ երկրների աջակցությամբ։
«Սա նրանց վերջին հնարավորությունն է՝ լավ փաստաթուղթ ստորագրելու համար»,- հայտարարել է նա։
Թրամփը նշել է, որ քննարկումները կարող են արագ ավարտվել։ Նրա խոսքով՝ կողմերը նախ քննարկում են Հորմուզի նեղուցի ամբողջական բացման հարցը, իսկ հետո՝ Իրանի միջուկային հնարավորությունները։
