Մեծ Բրիտանիայի նոր վարչապետ Էնդի Բըրնհեմը չի հետ վերցրել իր նախորդի՝ Քիր Սթարմերի կողմից Իրանի դեմ հարվածների համար բրիտանական ռազմական բազաների օգտագործման վերաբերյալ ԱՄՆ-ի համաձայնությունը։ Այս մասին հաղորդում է Bloomberg-ը՝ հղում անելով աղբյուրներին։
Գործակալության տվյալներով՝ հուլիսի 17-ին Սթարմերը հանդիպում է ունեցել բարձրաստիճան պաշտոնյաների հետ՝ քննարկելու Մեծ Բրիտանիայի մոտեցումը Իրանի դեմ ԱՄՆ ռազմական գործողությունների վերսկսմանը։ Այս քննարկումների արդյունքում, բրիտանական իշխանությունները որոշել են վերականգնել բրիտանական ռազմական բազաների օգտագործման իրավունքը Իրանում գտնվող հրթիռային պահեստների և Հորմուզի նեղուցում նավերի վրա կրակելու համար օգտագործվող թիրախների դեմ հարվածներ հասցնելու համար։
Խոսքը վերաբերում է Հնդկական օվկիանոսում գտնվող Դիեգո Գարսիայի վրա գտնվող համատեղ բրիտանա-ամերիկյան բազային և Անգլիայի Գլոսթերշիր քաղաքում գտնվող RAF Fairford-ին, որը Եվրոպայում ԱՄՆ ծանր ռմբակոծիչների հիմնական բազան է։ Լոնդոնը նման հարվածները բնութագրում է որպես պաշտպանական գործողություններ։ Bloomberg-ի փոխանցմամբ՝ հուլիսի 20-ին վարչապետի պաշտոնը ստանձնած Բըրնհեմը տեղեկացվել է քննարկումների մասին և համաձայնել է որոշման հետ։
