ԱՄՆ նախագահ Դոնալդ Թրամփը հայտարարել է, որ Կանադայի վարչապետ Մարկ Քարնիի հետ զրույցում պահանջել է ավելի ագրեսիվ գործողություններ՝ անտառային հրդեհները, որոնցից ծուխը նախկինում ծածկել էր ԱՄՆ մի քանի խոշոր քաղաքներ, վերահսկողության տակ վերցնելու համար:
Ամերիկացի առաջնորդը նաև չի բացառել Օտտավայից փոխհատուցում պահանջելու հնարավորությունը։ «Ես նրան ասացի. «Դուք պետք է կանխեք այս հրդեհների տարածումը, դրանք թունավորում են մեր օդը», - ասել է ամերիկացի առաջնորդը հուլիսի 19-ին՝ պատասխանելով լրագրողների հարցերին Վաշինգտոնի մոտ գտնվող Էնդրյուս ռազմաօդային բազայում Քարնիի հետ իր զրույցի մասին:
«Մենք պետք է կանխենք այս հրդեհները: Եթե մենք կարող ենք օգնել նրանց (Կանադա), մենք կանենք դա։ Բայց, գուցե, նրանք պետք է մեզ որոշակի փոխհատուցում կամ նման մի բան վճարեն: Կամ, գուցե, մենք պետք է որոշ մաքսատուրքեր սահմանենք», - հավելել է Թրամփը:
