Ֆրանսիայում ավելի քան երկու հազար մարդ է մահացել երկիրը պատած ծայրահեղ շոգի ալիքի պատճառով, հայտարարել է առողջապահության նախարար Ստեֆանի Ռիստը։ «Այսօր առավոտյան նախարարությունը կհրապարակի հունիսի 22-28-ը ընկած շաբաթվա մահերի թվի վերաբերյալ տվյալները, որոնք կազմում են մոտավորապես 2025 նոր մահ», - ասել է նա TF1-ի եթերում։
Նրա խոսքով՝ այս տեղեկատվությունը հիմնված է բոլոր մահացությունների մասին հաղորդագրությունների միայն 60%-ի վրա, ուստի վերջնական թիվը կարող է փոխվել։ Նա նաև նշել է մահացության աճ 45 տարեկանից բարձր քաղաքացիների շրջանում։ Ջերմային ալիքները հարվածել են եվրոպական երկրների զգալի մասին: Ֆրանսիայում օդերևութաբանական ծառայությունը 96 դեպարտամենտներից 72-ում հայտարարել է եղանակային ամենաբարձր տագնապի մակարդակ:
Ջերմաստիճանը մոտեցել է 40 աստիճան Ցելսիուսի, իսկ որոշ վայրերում նույնիսկ գերազանցել է այն: Իրավիճակը հատկապես ծանր է նաև Իսպանիայում, Պորտուգալիայում, Իտալիայում և Հունաստանում:
