Կատարի էմիր շեյխ Թամիմ բեն Համադ Ալ Թանին շնորհավորել է Դոնալդ Թրամփին ԱՄՆ նախագահական ընտրություններում հաղթանակի կապակցությամբ և ցանկություն հայտնել կրկին աշխատել նրա հետ։
«Շնորհավորում եմ նորընտիր նախագահ Դոնալդ Թրամփին ԱՄՆ ընտրություններում հաղթանակի կապակցությամբ»,- գրել է արաբական պետության ղեկավարը X սոցիալական ցանցի իր էջում։
Նա նշել է, որ անհամբեր սպասում է Թրամփի հետ կրկին աշխատելուն։
«Ես անհամբեր սպասում եմ կրկին միասին աշխատելուն՝ ամրապնդելու մեր ռազմավարական հարաբերություններն ու գործընկերությունը, ինչպես նաև առաջ տանելու մեր ջանքերը՝ ապահովելու անվտանգությունն ու կայունությունը ինչպես տարածաշրջանում, այնպես էլ աշխարհում», - ասել է Կատարի էմիրը:
