Եվրոպական միության արտաքին քաղաքականության և անվտանգության հարցերով բարձր ներկայացուցիչ Ժոզեպ Բորելը Սեուլում իր ասիական շրջագայության ժամանակ շփոթել է Ճապոնիան և Հարավային Կորեան։
«Ես այստեղ եմ որպես եվրոպացի՝ հայտարարելու ԵՄ-ի և Ճապոնիայի միջև պաշտպանական և անվտանգության գործընկերության մասին»,-ասել է Բորելը Հարավային Կորեայի կառավարության պաշտոնյաների հետ հանդիպման ժամանակ:
Այն բանից հետո, երբ եվրոպական պատվիրակության անդամներից մեկը դիտողություն է արել, իսկ Հարավային Կորեայի ներկայացուցիչները ծիծաղել են, Բորելը ներողություն է խնդրել սխալի համար և ուղղել է իր խոսքը։
