Մոլդովայի նախագահ Մայա Սանդուն, ով առաջատար է նախագահական ընտրությունների երկրորդ փուլում, ասել է, որ այսուհետ հաշվի է առնելու իր ընդդիմախոսների կարծիքը։
«Ես լսեցի նրանց ձայները, ովքեր աջակցում էին պարոն Ստոյանոգլոյին, ես խոստանում եմ լինել ձեր բոլորի նախագահը։
Մեզ անհրաժեշտ է հասարակության համախմբում, ուստի, ես պաշտպանում եմ իմ հակառակորդի այս կոչը»,- ճեպազրույցում ասել է նա։ Մոլդովայում նոյեմբերի 3-ին կայացել է նախագահական ընտրությունների երկրորդ փուլը։
Կենտրոնական ընտրական հանձնաժողովի նախնական տվյալներով՝ արձանագրությունների 98,87%-ի մշակումից հետո Սանդուն առաջատարն է՝ 55,03%-ով, նրա մրցակից Ստոյանոգլոն՝ 44,97%-ով։
