Ռումինիայի նախագահ Կլաուս Յոհանիսը շնորհավորել է Մայա Սանդուին Մոլդովայի նախագահական ընտրությունների երկրորդ փուլում հաղթանակի կապակցությամբ։
«Շնորհավորում եմ Մայա Սանդուին պատմական հաղթանակի համար», - գրել է նա «X» -ում։ «Ռումինիայի ժողովուրդը կանգնած է Մոլդովայի Հանրապետության քաղաքացիների կողքին այս հաջողության մեջ, որն անդառնալիորեն ամրացնում է երկրի ճակատագիրը»,-նշել է նա:
Մայա Սանդուին շնորհավորել են նաև Պատգամավորների պալատի և Սենատի խոսնակներ, Սոցիալ-դեմոկրատական կուսակցության առաջնորդ Մարսել Չիոլակուն և Ազգային ազատական կուսակցության նախագահ Նիկոլաե Սյուկան։
Կենտրոնական ընտրական հանձնաժողովի (ԿԸՀ) վերջին նախնական արդյունքների համաձայն՝ արձանագրությունների 99,73 տոկոսի մշակումից հետո նախագահական ընտրությունների երկրորդ փուլում առաջատար է Մոլդովայի գործող նախագահ Մայա Սանդուն՝ 55,36 տոկոս ձայներով, նախկին գլխավոր դատախազ Ալեքսանդր Ստոյանոգլոն ունի 44,64%։
