Իրանի ազգային անվտանգության բարձրագույն խորհուրդը որոշել է Իսրայելին ռազմական պատասխան տալ հոկտեմբերի 26-ին Իսլամական Հանրապետության թիրախների վրա հարձակմանը։ Այս մասին հայտարարել է Իրանի Մեջլիսի (միապալատ խորհրդարան) Ազգային անվտանգության հանձնաժողովի անդամ Էսմայիլ Քոսարին։
«Որոշ պետական պաշտոնյաներ և մյուսները կարող են ասել, որ մենք չենք պատասխանի Իսրայելին, բայց կառավարության ներսում և դրսում այդ մարդիկ որոշումներ չեն կայացնում: Սիոնիստական ռեժիմին ռազմական պատասխան տալու մասին որոշումը արդեն կայացրել է Ազգային անվտանգության բարձրագույն խորհուրդը»,- ասել է Քոսարին Didban Iran պորտալին տված հարցազրույցում։
Նա նաեւ նշել է, որ Իսրայելի հարվածին Իրանի ռազմական պատասխանը կլինի շատ ավելի հզոր, քան բոլոր նախորդները եւ կիրականացվի Դիմադրության առանցքի ուժերի մասնակցությամբ։
