Բոլիվիայի նախկին նախագահ Էվո Մորալեսը, ում կողմնակիցներն արդեն 19 օր փակում են երկրի կարևոր ճանապարհները և բախվում ոստիկանների հետ, հացադուլ է հայտարարել և երկխոսության կոչ արել։
«Մենք արյունահեղություն չենք ուզում, մենք միշտ ձգտել ենք անկեղծ երկխոսության, Միասնության պայմանագրին և Ժողովրդական գլխավոր շտաբին խնդրում եմ դիտարկել ճանապարհների շրջափակման չորրորդ միջանկյալ տարբերակը, այդ ընթացքում մենք հացադուլ ենք հայտարարելու:
Բացի այդ, մենք կոչ ենք անում ստեղծել երկու քննարկման ֆորում՝ քննարկելու տնտեսական և քաղաքական հարցեր»,- գրել է Մորալեսը Facebook* սոցիալական ցանցում :
Նա նաև միջնորդություն է խնդրել երկխոսության մեջ միջազգային կառույցներից և բարեկամ երկրներից։
Ցուցարարները դժգոհ են երկրում սննդամթերքի թանկացումից և վառելիքի պակասից: Բացի այդ, նրանք ցանկանում են դադարեցնել Մորալեսի նկատմամբ հետաքննությունը, ով կասկածվում է մարդկանց թրաֆիքինգի և անչափահասի նկատմամբ բռնություն գործադրելու մեջ։
