ԱՄՆ նախագահ Դոնալդ Թրամփի վարչակազմը շահագրգռված է միջուկային զենքի ոլորտում գործող սահմանափակումների պահպանմամբ և Չինաստանին զենքի վերահսկման շուրջ բանակցություններին ներգրավելու հարցում։ Այդ մասին, հղում անելով Սպիտակ տան մի պաշտոնյայի, հայտնում է բրիտանական Financial Times թերթը։
«Նախագահ Թրամփը բազմիցս արտահայտվել է այն սպառնալիքի մասին, որը միջուկային զենքը ներկայացնում է աշխարհի համար, և նշել է, որ կցանկանար պահպանել միջուկային զենքի սահմանափակումները և Չինաստանին ներգրավել զինաթափման և զենքի վերահսկման վերաբերյալ բանակցություններում»,-հայտարարել է Վաշինգտոնի վարչակազմի ներկայացուցիչը։
