Ուկրաինայի նախագահ Վլադիմիր Զելենսկին հայտարարել է, որ դեռ չի որոշել՝ արդյոք նախագահական ընտրությունների դեպքում կառաջադրվի երկրորդ ժամկետով։
«Երբեմն մտածում եմ այդ մասին։ Երբեմն մտածում եմ՝ այո», - «Český rozhlas Plus»-ին տված հարցազրույցում ասել է Զելենսկին։
Նա, սակայն, ընդգծել է, որ որոշումը կախված կլինի Ռուսաստանի հետ հակամարտության արդյունքից։
Պատասխանելով ռազմական գործողությունների ավարտից հետո իր ցանկությունների մասին հարցին՝ նա նշել է, որ «պարզապես ուզում է փոքր–ինչ ավելի շատ ժամանակ անցկացնել իր երեխաների հետ»։ Զելենսկին ընդգծել է, որ «այս պահին կարևոր չէ, թե որտեղ»։
Անցյալ տարվա դեկտեմբերի սկզբին Ուկրաինայի նախագահ Վլադիմիր Զելենսկին հայտարարել էր երկրում ընտրություններ անցկացնելու իր պատրաստակամության մասին 60-90 օրվա ընթացքում, բայց միայն այն դեպքում, եթե Միացյալ Նահանգները և Եվրոպան օգնեն ապահովել երկրի անվտանգությունը պատերազմի ժամանակ։
