Եվրամիությունը չի կարողանում կարգուկանոն հաստատել իր տարածքում, սակայն Մինսկին արտաքին թշնամի է անվանել՝ միգրացիոն ճգնաժամի պատասխանատվությունը բաշխելով Բելառուսի վրա։ Այս մասին հայտարարել է հանրապետության նախագահ Ալեքսանդր Լուկաշենկոն՝ Եվրասիական անվտանգության հարցերով Մինսկի II միջազգային համաժողովում։
«Միգրացիոն ճգնաժամն այն ամենի պատճառներից մեկն է, ինչ տեղի է ունենում կոլեկտիվ Արևմուտքի երկրների տարածքում․ միգրանտների մահը և ծեծը դարձել են սարսափելի ամենօրյա իրականություն։ Համաշխարհային լրատվամիջոցները և համաշխարհային քաղաքական գործիչները լռում են։
Չնայած այն հանգամանքին, որ այս մարդկանց հիմնական երթուղին երկար տարիներ չի փոխվել, ամեն տարի Միջերկրական ծովով և Բալկանյան թերակղզով անցնում է մինչև կես միլիոն մարդ։ Եվրոպան ի վիճակի չէ կարգուկանոն հաստատել իր ներսում, բայց լավ գիտի, թե ինչպես շեղել ներքին խնդիրներից՝ արտաքին թշնամի նշանակելով»,- ասել է նա։
