Հինգշաբթի ԿԺԴՀ-ի կողմից արձակված հրթիռի թռիչքի ժամանակը և բարձրությունը առավելագույնն են փորձարկման ողջ ժամանակահատվածի համար։ Ճապոնիայի պաշտպանության նախարար Գեն Նակատանիի խոսքով՝ հրթիռը թռիչքի մեջ է եղել 86 րոպե, թռիչքի բարձրությունը գերազանցել է 7 հազար կմ-ը։
«Թռիչքի ժամանակը կազմել է 86 րոպե, որը թռիչքի ամենաերկար ժամանակն է: Թռիչքի բարձրությունը գերազանցել է 7000 կմ-ը, ինչը տարբերվում է նախկինից»,- ասել է նա:
Նակատանիի խոսքով՝ Ճապոնիայի կառավարությունը կարծում է, որ Հյուսիսային Կորեան միջմայրցամաքային բալիստիկ հրթիռ է արձակել (ICBM):
«Կարելի է ենթադրել, որ այս անգամ արձակված հրթիռը միջմայրցամաքային է, բայց մենք շարունակում ենք վերլուծել՝ արդյոք այն նոր տիպի էր», - ասել է նա։
Ճապոնիայի առափնյա պահպանությունը հայտնել է, որ հրթիռն ընկել է Օկուշիրի կղզուց մոտ 300 կմ դեպի արևմուտք գտնվող տարածքում՝ երկրի բացառիկ տնտեսական գոտուց դուրս:
