Վրաստանի հինգերորդ նախագահ Սալոմե Զուրաբիշվիլին արձագանքել է Վենեսուելայի նախագահ Նիկոլաս Մադուրոյի ձերբակալությանը և Վենեսուելայում տեղի ունեցող իրադարձություններին։ Ֆեյսբուքի իր էջում նա գրառում է կատարել, Մադուրոյին հիշատակել այլ բռնապետերի կողքին և գրել, որ ոչինչ մշտական չէ.
«Ներոն, Կալիգուլա, Դոմիցիանոս, Թամերլան, Ստալին, Հիտլեր, Մուսոլինի, Չաուշեսկու, Պոլ Պոտ, Քադաֆի, Սադամ Հուսեյն, Բաշար ալ-Հասադի, Մադուրո… ոչինչ մշտական չէ, և անկախ նրանից, թե որքան ուժեղ է բռնապետը և որքան անողոք է նրա իշխանությունը, վերջը անխուսափելի է։ Եվ նրանց վերջը գրեթե միշտ ամենադժվարն է», - գրել է Սալոմե Զուրաբիշվիլին։
Վենեսուելայի նախագահ Նիկոլաս Մադուրոն կնոջ՝ Սիլիա Ֆլորեսի հետ ձերբակալվել է Կարակասում շաբաթ օրը՝ հունվարի 3-ին, ԱՄՆ ռազմական գործողության շրջանակներում։ Նրանք այժմ գտնվում են Նյու Յորքի նախնական կալանքի տակ։
ԱՄՆ նախագահ Դոնալդ Թրամփը հունվարի 3-ին մամուլի ասուլիսում հայտարարեց, որ ԱՄՆ-ն կղեկավարի Վենեսուելան մինչև իշխանության «անվտանգ, կարգուկանոն և խելամիտ» փոխանցումը հնարավոր լինի։
Վրաստանի ԱԳՆ-ն հույս է հայտնել, որ Վենեսուելայի նոր իշխանությունը կվերանայի Աբխազիայի և Հարավային Օսիայի վերաբերյալ դիրքորոշումը։
