Պուտինը շնորհավորել է ռուսաստանցիներին Ամանորի կապակցությամբ

31.12.2025 17:53 | Կատեգորիա Համաշխարհային

Ռուսաստանի նախագահ Վլադիմիր Պուտինն իր ամանորյա ուղերձում Ամանորն անվանել է յուրահատուկ և կախարդական տոն։

Պետության ղեկավարը շնորհավորել է ռուսաստանցիներին գալիք 2026 թվականի կապակցությամբ։ Նա դիմել է քաղաքացիներին Կրեմլից, առաջինն ուղերձը լսել են Կամչատկայի և Չուկոտկայի բնակիչները։

«Նոր տարին, առաջին հերթին, հավատն է լավագույնի, բարության և հաջողությամբ նկատմամբ, յուրահատուկ և կախարդական տոն, երբ սրտերը բացվում են սիրո, բարեկամության և կարեկցանքի, նրբազգացության և մեծահոգիության համար։ Մենք ձգտում ենք ուրախություն և ջերմություն բերել նրանց, ովքեր կարեկցանքի և հոգատարության կարիք ունեն», - ասել է Պուտինը։

Պետության ղեկավարը նաև նշել է, որ այս գիշեր ռուսաստանցիները ձգտում են խոսքով և գործով աջակցել հատուկ ռազմական գործողության մասնակիցներին, ովքեր պայքարում են «իրենց հայրենի հողի, ճշմարտության և արդարության համար»։

«Շնորհավոր Ամանոր, թանկագի՛ն բարեկամներ։ Շնորհավոր նոր՝ 2026 թվական», - ասել է Պուտինը։ Այս տարի Պուտինի ելույթը տևել է 3 րոպե 20 վայրկյան, մինչդեռ անցյալ տարի՝ 3 րոպե 35 վայրկյան։ Նրա ամենակարճ ամանորյա ուղերձը եղել է 2006 թվականին՝ մի փոքր ավելի քան երկու րոպե։ Մինչդեռ նրա ամենաերկար ամանորյա ուղերձը եղել է 2022 թվականին, որը տևել է մոտ ինը րոպե։

Լրահոս

00:00

Այս կենդանակերպի նշանները տիեզերքի կողմից սև ցուցակում են հայտնվել մինչև ձմռան սկիզբ

23:52

Երգիծական պիեսում հարևաններն են՝ տարբեր առիթներով վիճում են, սակայն միշտ էլ գտնում են նաև երկխոսելու, միմյանց նկատմամբ բարի լինելու ձևեր, առիթներ

23:44

Գագիկ Ծառուկյանի նկատմամբ նոր հանրային քրեական հետապնդում է հարուցվել

23:17 Կարևոր

Ադրբեջանը քննադատել է ԱՄՆ-ում հայ գերիների վերաբերյալ քննարկված նախաձեռնությունները