Իրանի նախագահ Մասուդ Փեզեշքիանը արձագանքել է երկրում իրանական ռիալի արագ արժեզրկման դեմ բողոքի ցույցերին՝ հայտարարելով բնակչության պահանջները լսելու անհրաժեշտության մասին։
«Ֆարս» լրատվական գործակալությունը երկուշաբթի օրը հաղորդել է, որ Իրանի մայրաքաղաքում բողոքի ցույցեր են սկսվել տեղական արժույթի՝ իրանական ռիալի արժեզրկման ֆոնին։ Բողոքի ցույցերը կենտրոնացած են փոխարժեքի կտրուկ տատանումների և դրանց մեծածախ ու մանրածախ գների ազդեցության վրա։
Սոցիալական ցանցերում հայտնվել են նաև այլ քաղաքներում բողոքի ցույցերի տեսանյութեր: Այս ֆոնին Իրանի կենտրոնական բանկի ղեկավար Մոհամմադ Ֆարզինը հրաժարական է տվել, և նրա փոխարեն կնշանակվի Աբդոլնասեր Հեմմատին:
«Ես հանձնարարել եմ Ներքին գործերի նախարարին (Իսկանդար Մոմենի) երկխոսության միջոցով լսել ցուցարարների օրինական պահանջները, որպեսզի կառավարությունը կարողանա բոլոր ջանքերը գործադրել խնդիրները լուծելու համար», - գրել է նախագահ X- սոցիալական ցանցում։
Փեզեշքյանը նաև նշել է, որ իշխանությունները ներկայումս աշխատում են բանկային և ֆինանսական համակարգի բարեփոխման և բնակչության գնողունակության պահպանման ուղղությամբ։
