Անկարան մտադիր է ընդլայնել թուրքական ծովային անվտանգության մոնիթորինգի համակարգը մինչև Սև ծով։ Այս մասին NTV հեռուստաալիքի եթերում հայտարարել է տրանսպորտի նախարար Աբդուլքադիր Ուրալօղլուն։
«Մենք զգալի ջանքեր ենք գործադրում նավագնացության անվտանգությունն ապահովելու համար։ Մենք հետևում ենք նավերի անցմանը բոլոր նեղուցներով, որտեղ գործում է մեր նավագնացության մոնիթորինգի համակարգը՝ թե՛ Դարդանելի, թե՛ Բոսֆորի նեղուցում։
Մենք այս ռադարային մոնիթորինգի ծառայությունը կընդլայնենք Մարմարա ծովի ամբողջ տարածաշրջանում։ Մենք նախատեսում ենք այս համակարգը տարածել նաև Սև ծովի վրա»,-ասել է նախարարը։
Նրա խոսքով՝ իշխանությունները պլանավորում են շտապ սկսել այս վերահսկողության համակարգի ներդրումը Արևելյան Միջերկրական ծովում՝ «Մերսինից մինչև Կիպրոս տարածքում իրավիճակի ավելի լավ մոնիթորինգի» համար։
