Չինաստանը չի մտադրվում մասնակցել որևէ երկրի հետ միջուկային սպառազինությունների մրցավազքի, երեքշաբթի օրը ճեպազրույցի ժամանակ հայտարարել է Չինաստանի արտաքին գործերի նախարարության խոսնակ Լին Ցզյանը։
Ավելի վաղ Reuters-ը, հղում անելով ԱՄՆ Պատերազմի նախարարության կողմից պատրաստված զեկույցի նախագծին, հայտնել էր, որ Չինաստանը, ենթադրաբար, Մոնղոլիայի հետ սահմանին տեղակայել է ավելի քան 100 միջմայրցամաքային բալիստիկ հրթիռներ։
«Չինաստանը խստորեն հետևում է «առաջինը չօգտագործել» քաղաքականությանը, հետևում է պաշտպանական միջուկային ռազմավարությանը, միշտ պահպանում է իր միջուկային ուժերը ազգային անվտանգությունն ապահովելու համար անհրաժեշտ նվազագույն մակարդակի վրա և չի ներգրավվի միջուկային սպառազինությունների մրցավազքի մեջ որևէ երկրի հետ», - ասել է Լին Ցզյանը։
Նա ընդգծել է, որ Չինաստանը հետևողականորեն և ակտիվորեն մասնակցում է Միջուկային զենքի չտարածման մասին պայմանագրի (NPT) վերանայման գործընթացին և P5 հանդիպումների ժամանակ երկխոսություն է պահպանում բոլոր կողմերի հետ միջուկային զենքի վերահսկման հարցերի շուրջ։
