ՄԱԿ-ը բավարար չափով չի խթանում Վենեսուելայի և Միացյալ Նահանգների միջև երկխոսությունը, անհրաժեշտ է ավելի ակտիվ ներգրավվածություն, հայտարարել է Ատոմային էներգիայի միջազգային գործակալության (ԱԷՄԳ) գլխավոր տնօրեն Ռաֆայել Գրոսսին, ով Արգենտինայի կողմից առաջադրվել է ՄԱԿ-ի գլխավոր քարտուղարի պաշտոնում։
«Մեզ անհրաժեշտ է երկխոսություն, որը ՄԱԿ-ը չի ապահովում: Հետևաբար, անհրաժեշտ է ՄԱԿ-ի նոր ղեկավարություն, որը կարող է նպաստել այս երկխոսությանը»,-ասել է նա լրագրողներին Բուենոս Այրեսում ՄԱԿ-ի գլխավոր քարտուղարի պաշտոնում իր թեկնածությունը ներկայացնելուց հետո:
