Լուիզիանայի նահանգապետ Ջեֆ Լենդրին, որը նշանակվել է ԱՄՆ-ի Գրենլանդիայի հարցերով հատուկ դեսպանորդ, կձգտի Դանիայի ինքնավար մարզը միացնել Միացյալ Նահանգներին։
«Ես պատիվ եմ համարում ծառայել այս կամավորական կարգավիճակով՝ օգնելու Գրենլանդիան դարձնել Միացյալ Նահանգների մաս», - գրել է նա X-ում: Լենդրին հավելել է, որ նոր պարտականությունները «ոչ մի կերպ չեն ազդի» նահանգապետի իր աշխատանքի վրա:
Կիրակի օրը Թրամփը Truth Social-ում գրել էր, որ ինքը Լենդրիին նշանակել է Գրենլանդիայի հարցերով ԱՄՆ հատուկ դեսպանորդ։ Ամերիկացի առաջնորդի խոսքով՝ նահանգապետը «հասկանում է, որ Գրենլանդիան կենսական նշանակություն ունի ազգային անվտանգության համար և եռանդուն կերպով կպաշտպանի ԱՄՆ շահերը դրա անվտանգության համար»։
Մարտի 13-ին Թրամփը վստահություն հայտնեց, որ իր երկիրը կբռնակցի Գրենլանդիան՝ Դանիայի ինքնավար տարածքը։ Մարտի 4-ին նա ասաց, որ հավանություն կտա կղզու բնակչության միացմանը Միացյալ Նահանգներին։
