Թաիլանդը և Կամբոջան դեկտեմբերի 24-ին կսկսեն բանակցություններ սահմանային հակամարտության գոտում հրադադարի հաստատման վերաբերյալ, հայտարարել է Թաիլանդի արտաքին գործերի նախարար Սիհասակ Ֆուանգկետակեուն։
Նրա խոսքով՝ Թաիլանդը պատրաստ է քննարկել Կամբոջայի հետ հրադադարի հաստատման հնարավորությունը։
«Մենք ողջունում ենք հրադադարի հաստատման շուրջ երկխոսության վերսկսումը։ Բանակցությունները տեղի կունենան արդեն իսկ գոյություն ունեցող Համատեղ սահմանային կոմիտեի շրջանակներում»։ Եվ այս հանդիպումը նախատեսված է, համաձայն կամբոջական կողմի առաջարկության, դեկտեմբերի 24-ին», - ասել է նա՝ նշելով, որ թաիլանդական և կամբոջական զինվորականների հանդիպումը նախատեսված է անցկացնել թաիլանդական Չանթաբուրի նահանգում։
Թաիլանդի արտաքին գործերի նախարարը ընդգծել է, որ հրադադարի պայմանների շուրջ համաձայնեցումը կարող է տևել «այնքան ժամանակ, որքան անհրաժեշտ է» երկու կողմերի համար։
