ԱՄՆ նախագահ Դոնալդ Թրամփը հայտարարել է, որ ամերիկյան զորքերը լայնածավալ պատասխան հարված են հասցրել Սիրիայում «Իսլամական պետություն» ահաբեկչական խմբավորման դիրքերին։
«Ես հրամայեցի զանգվածային հարված հասցնել այն ահաբեկիչներին, ովքեր անցյալ շաբաթ սպանեցին մեր երեք մեծ հայրենասերներին։ Երկու զինվոր և մեկ թարգմանիչ, հրաշալի մարդիկ։ Եվ հարվածը շատ հաջող էր», - ասել է նա ուրբաթ օրը Հյուսիսային Կարոլինայում իր կողմնակիցներին՝ նշելով յուրաքանչյուր թիրախի ճշգրիտ խոցումը։
Դեկտեմբերի 19-ին The New York Times-ը (NYT), հղում անելով աղբյուրներին, հաղորդել է, որ ԱՄՆ զինված ուժերը սկսել են ավիահարվածներ հասցնել Սիրիայում ԴԱԻՇ-ի դիրքերին:
Թերթի տվյալներով՝ գործողությանը մասնակցել են ամերիկյան կործանիչներ և ռազմական ուղղաթիռներ, որոնք հարվածել են ԴԱԻՇ-ի տասնյակ թիրախների, այդ թվում՝ զենքի պահեստների:
