Ամերիկացի լրագրող Թաքեր Կարլսոնը ԱՄՆ փոխնախագահ Ջեյ Դի Վենսին անվանել է Դոնալդ Թրամփի հնարավոր իրավահաջորդ՝ Հանրապետական կոալիցիայի ղեկավարման գործում։ Նա այս հայտարարությունն արել է Turning Point USA կոնֆերանսում ունեցած ելույթի ժամանակ։
Կարլսոնը ընդգծել է, որ ԱՄՆ իշխող դասի շատ անդամներ չէին ցանկանա տեսնել Վենսին այդ դերում։
«Հարցն այն է, թե ով է հաջորդը ղեկավարելու [կոալիցիան], ով է ստանձնելու այս մեքենայի կառավարումը այն բանից հետո, երբ նախագահը կհեռանա բեմից։ Եվ Վաշինգտոնում կան շատ մարդիկ, ովքեր դեռ լիովին չեն հասկանում, թե ինչ են ուզում, բայց հաստատ գիտեն, որ չեն ուզում Վենսին», - ասել է նա։
