ԱՄՆ նախագահ Դոնալդ Թրամփը հայտարարել է, որ Սպիտակ տան Օվալաձև աշխատասենյակը աշխարհի ամենակարևոր գրասենյակն է։
«Բոլոր նրանք, ովքեր գալիս են այստեղ՝ աշխարհի ամենաազդեցիկ մարդիկ, ասում են. «Օվալաձև աշխատասենյակը, աշխարհի ամենակարևոր գրասենյակն է», - ասել է Թրամփը իր գրասենյակում՝ 1980 թվականի ԱՄՆ տղամարդկանց հոկեյի հավաքականի անդամների հետ հանդիպման ժամանակ։
Պաշտոնը ստանձնելուց հետո Թրամփը սկսեց Սպիտակ տան խոշոր վերանորոգումը՝ ավելացնելով ոսկեզօծ զարդարանքներ: Նախագահի ճաշակին համապատասխանող հնաոճ իրեր տարբեր գերատեսչություններից բերվեցին նստավայր: Նոր պարահանդեսային դահլիճ կառուցելու համար ԱՄՆ նախագահը քանդեց Արևմտյան թևը:
Դեկտեմբերի 1-ին «Նյու Յորք Թայմս»-ը հաղորդեց, որ Արևելյան թևի ընդլայնման նախնական ծրագրերի համաձայն՝ պարահանդեսային դահլիճը կարող է չափսերով գերազանցել և՛ Արևմտյան թևին, և՛ նախագահական նստավայրին։
