Հունգարիայի արտաքին գործերի նախարար Պետեր Սիյարտոն մեղադրել է ՆԱՏՕ-ի գլխավոր քարտուղար Մարկ Ռյուտեին Ուկրաինայի հարցով բանակցությունները խափանելու փորձի մեջ և կոչ է արել նրան դադարեցնել լարվածության սրումը։
«Եթե որևէ մեկը դեռ կասկածներ ուներ, որ Բրյուսելում բոլորը իսկապես խելագարվել են, ապա ՆԱՏՕ-ի գլխավոր քարտուղարի երեկվա Բեռլինում ունեցած ելույթից հետո նրանք վերջապես համոզվեցին դրանում։ Իր հայտարարությամբ ՆԱՏՕ-ի գլխավոր քարտուղարը փաստորեն մեջքից հարվածեց Ուկրաինայի խաղաղ բանակցություններին։
Մենք՝ հունգարացիներս, որպես ՆԱՏՕ-ի անդամներ, մերժում ենք գլխավոր քարտուղարի խոսքերը։ Եվրոպական երկրների անվտանգությունը երաշխավորում է ոչ թե Ուկրաինան, այլ հենց ՆԱՏՕ-ն։ Սադրիչ հայտարարությունները անպատասխանատու և վտանգավոր են։
Մենք կոչ ենք անում Մարկ Ռյուտեին դադարեցնել ռազմական լարվածության սրումը», - գրել է Սիյարտոն Facebook-ում։
