ԵՄ-ն ԱՄՆ-ին ասում է չմիջամտել Եվրոպայի ներքին գործերին, սակայն Բրյուսելն ինքը խախտել է Վրաստանում ինքնիշխանության սկզբունքը։ Այս մասին լրագրողներին ասել է Վրաստանի վարչապետ Իրակլի Կոբախիձեն։
«Այսօր ԱՄՆ ներկայիս վարչակազմը գնահատում է Եվրոպայում տեղի ունեցող գործընթացները ճիշտ այնպես, ինչպես մենք՝ անցյալ տարի։
Եվրոպական բյուրոկրատիային սա դուր չի գալիս։ Նրանք հիմա հիշեցրել են ինքնիշխանության սկզբունքը, այն սկզբունքը, որ օտարերկրյա միջամտությունը ուրիշների ներքին գործերին արգելվում է, չնայած այն հանգամանքին, որ եվրոպական բյուրոկրատիան ամեն օր խախտում է ինքնիշխանության սկզբունքը Վրաստանի նկատմամբ։
Այստեղ ակնհայտ են կրկնակի չափանիշները։ ԱՄՆ վարչակազմը ճշգրիտ գնահատում է Եվրամիությունում տեղի ունեցող գործընթացները, և մեր գնահատականը նույնն է եղել վերջին մի քանի տարիների ընթացքում», - ասել է Կոբախիձեն։
