Երեքշաբթի Վլադիմիր Զելենսկին ասել է, որ ինքը բանակցություններ է վարել Հարավային Կորեայի նախագահ Յուն Սեոկ Յոլի հետ, կողմերը քննարկել են Հյուսիսային Կորեայի ենթադրյալ զինվորականների Ռուսաստան տեղափոխման մասին հաղորդումները։
«Ես հեռախոսազրույց եմ ունեցել Կորեայի Հանրապետության նախագահ Յուն Սեոկ Յոլի հետ»,- գրել է Զելենսկին իր Telegram ալիքում։
Բացի այդ, ինչպես նշվում է, կողմերը «պայմանավորվել են ուժեղացնել հետախուզության և փորձաքննության փոխանակումը և ակտիվացնել շփումները բոլոր մակարդակներում»։
«Այս համաձայնագրի շրջանակներում Ուկրաինան և Կորեայի Հանրապետությունը շուտով պատվիրակություններ կփոխանակեն՝ գործողությունները համակարգելու համար»,- հավելել է նա։
