Դեկտեմբերի 1-ն ամենայն պարզությամբ ցույց է տալիս մեր ազգային գահավիժման խորությունը․ Արթուր Խաչատրյան

01.12 23:14 | Կատեգորիա Մտքեր

ԱԺ «Հայաստան» խմբակցության պատգամավոր Արթուր Խաչատրյանը ֆեյսբուքյան իր էջում գրում է.

«Դեկտեմբերի 1․ Վերամիավորումից մինչև ԵԱՀԿ Մինսկի խմբի լուծարում

Դեկտեմբերի 1-ը խորհրդանշական օր է։ Դեկտեմբերի 1-ն ամենայն պարզությամբ ցույց է տալիս մեր ազգային գահավիժման խորությունը, մեր պարտության դառնությունը․․․ 1989 թվականի դեկտեմբերի 1-ի ձմեռային ցուրտ երեկոյան Խորհրդային Հայաստանի Գերագույն խորհուրդը և Արցախի Ազգային խորհուրդը առաջնորդվելով ազգերի ինքնորոշման համամարդկային սկզբունքներով, ճանաչելով «Լեռնային Ղարաբաղի Ինքնավար Մարզի ինքնորոշման փաստը», հռչակեցին Հայկական ԽՍՀ-ի և Լեռնային Ղարաբաղի վերամիավորումը»։

Գիշեր էր, ցուրտ էր, եթե չեմ սխալվում, ձյուն էր գալիս, բայց հազարավոր մարդիկ հավաքվել էին Ստեփան Շահումյանի անվան համագումարների պալատի (այժմ՝ Հայաստանի Ամերիկյան Համալսարանի գլխավոր մասնաժենքը) մոտ։ 1-ին կուրսի պատանի էի, այնտեղ էի։ Մարդիկ ցնծում էին։ Այդ որոշումը ոգու հաղթանակի դրսևորումն էր։ Հայաստանն արդեն շրջափակված էր։ ԽՍՀՄ Գերագույն խորհրդի նախագահությունը լուծարել էր Լեռնային Ղարաբաղի Հատուկ կառավարման կոմիտեն, որն ապահովում էր Արցախի ուղղակի ենթակայությունը Մոսկվային և Լեռնային Ղարաբաղը վերադարձրել էր Խորհրդային Ադրբեջանի ենթակայությանը։ Արցախ էր ներխուժել Ադրբեջանական ՕՄՕՆը,, խորհրդային զորքերը փոխել էին իրենց քաղաքականությունը։ Արցախի գլխին հերթական անգամ գոյութենական վտանգ էր կախվել։ Բայց ժողովուրդը հաղթանակած էր, ոգին հաղթական էր, Արցախում զգում էին Հայաստանի աջակցությունը, Արցախն ու Հայաստանը միասնական էին ու հաղթական․․․

Այսօր, այդ պատմական օրվանից 36 տարի հետո, Ադրբեջանի պահանջով ու նիկոլալան իշխանությունների դավադիր համաձայնությամբ ԵԱՀԿ-ն լուծարեց Մինսկի խումբը՝ Արցախյան հակամարտության կարգավորման մանդատ ունեցող միակ միջազգային կառույցը։

Բայց սա վերջը չէ։ Քանի Արցախի ժողովուրդը հաստատակամ է և պաշտպանում է իր շահերը, իր հայրենիքում ապրելու իրավունքը, Փաշինյանն ու Ալիևն անզոր են․․․․»։

Ամենաշատ կարդացվածներ

Մեր հավատը` գործերի փոխված, դարձրել է մեզ մեծագործ ժողովուրդ, մենք մարմնավորել ու հաստատել ենք մեր սերն առ Աստված. Գարեգին Բ

31.01 22:39 | Կատեգորիա Հասարակություն

Հրազդանի «Գայի պոստ»-ի մոտ բախվել են «Mercedes»-ը, «Լադա»-ն և «Hyundai Elantra»-ն

31.01 22:21 | Կատեգորիա Պատահարներ

ՀՖՖ-ն դեմ է Նիկիտա Սիմոնյանի անունով փողոց անվանակոչելուն

31.01 20:46 | Կատեգորիա Սպորտ

ՔԿ-ն պարզել է՝ արդյոք Առուշ Առուշանյանն առննչություն ունեցե՞լ է իր վարորդի սպանության դեպքի հետ

31.01 20:50 | Կատեգորիա Հասարակություն

Հայաստանը տարածաշրջանի ամենաաղքատ երկիրն է․ այս կառավարությունը ո՞նց է թույլ տալիս 3մլրդ պարգևավճար

31.01 21:06 | Կատեգորիա Քաղաքական

Ինչպես է ՔԿ-ն մեկնաբանում եպիսկոպոսների նկատմամբ բացակայելու արգելք խափանման միջոցի ընտրությունը

31.01 22:00 | Կատեգորիա Հասարակություն

Մայր Աթոռը կոչ է անում ՀՀ իշխանությանը և իրավապահ համակարգին գործել բացառապես ՀՀ Սահմանադրության և օրենքի շրջանակներում. հայտարարություն

31.01 21:30 | Կատեգորիա Հասարակություն

Տեր Ռուբեն վարդապետ Զարգարյանը հանդիպել է Մասիսի տարածաշրջանի եկեղեցասեր երիտասարդներին

31.01 23:35 | Կատեգորիա Հասարակություն

Փաշինյանի երգի տակ պարող նախարարը․ Աննա Հակոբյանն առաջարկում է բարևից հետո հարցնել` ի՞նչ ես կարդում

31.01 20:24 | Կատեգորիա Հասարակություն

ՈՒՂԻՂ