Լիբանանի նախագահ Ջոզեֆ Աունը մեկամսյա հրադադարի առաջարկ է արել Իսրայելի հետ՝ խոստանալով այդ ժամանակահատվածում զինաթափել շիաների «Հեզբոլլահ» աշխարհազորը։ Այս մասին հաղորդում է արաբական «Աշարք ալ-Աուսաթ» թերթը՝ հղում անելով Բեյրութի դիվանագիտական աղբյուրներին։
Թերթի տվյալներով՝ պետության ղեկավարը իր խաղաղության առաջարկը իսրայելական կողմին է փոխանցել Լիբանանում ԱՄՆ դեսպան Մայքլ Իսայի միջոցով։ Աունը հայտարարել է, որ հրադադարը անհրաժեշտ է, որպեսզի լիբանանյան բանակը կարողանա ավարտին հասցնել կառավարության կողմից հաստատված բոլոր անօրինական կիսառազմական խմբավորումների զինաթափման ծրագիրը։ Նա ընդգծել է, որ նման գործողություն անհնար է իրականացնել ռազմական պայմաններում։Աունը պնդել է, որ պետական զենքի մենաշնորհի իրականացումը չի կարող ավարտվել Իսրայելի գործողությունների սրման ֆոնին ցամաքում, օդում և ծովում, հաղորդում է թերթը՝ հղում անելով աղբյուրներին։
