Հունգարիան հույս ունի, որ ԵՄ առաջնորդները չեն խոչընդոտի Ուկրաինայի հակամարտության կարգավորման ԱՄՆ նոր ծրագրի իրականացմանը, որը խաղաղության իրական հնարավորություն է տալիս։ Այս մասին լրագրողներին հայտարարել է Հունգարիայի արտաքին գործերի նախարար Պետեր Սիյարտոն Բրյուսելում մի շարք երկկողմ հանդիպումներից հետո։
«Մենք վճռականորեն կոչ ենք անում եվրոպացի քաղաքական գործիչներին չխաթարել նախագահ Դոնալդ Թրամփի խաղաղության ջանքերը», - ասել է արտգործնախարարը M1 հեռուստաալիքով հեռարձակված մամուլի ասուլիսում։
Նա հույս է հայտնել, որ ամերիկյան ծրագիրը կհանգեցնի Ուկրաինայում խաղաղության հաստատման, և ԵՄ երկրները ստիպված չեն լինի այնտեղ ուղարկել ևս 135 միլիարդ եվրո՝ Եվրահանձնաժողովի նախաձեռնությամբ, ռազմական գործողությունները շարունակելու համար։
«Մենք հույս ունենք, որ այս ծրագիրը կընդունվի հնարավորինս շուտ, Եվրոպայի ժողովուրդները կունենան խաղաղություն, և նրանց փողերը անվերահսկելիորեն չեն հոսի [ուկրաինական] ռազմական մաֆիայի գրպանները», - նշել է Սիյարտոն։
