Լիբանանի շիական «Հեզբոլլահ» կազմակերպությունը հայտարարել է Իսրայելի տարածքին նոր հարվածներ հասցնելու մասին։ Համապատասխան հաղորդագրությունները հրապարակվել են նրա Telegram ալիքում։
Նշվում է, որ իսրայելական ռազմարդյունաբերական ձեռնարկությունը, որը գտնվում է հյուսիսարևմտյան Ակրե քաղաքի մոտ, ենթարկվել է անօդաչու թռչող սարքի հարձակմանը։ Բացի այդ, մի քանի հրթիռ է արձակվել հրեական պետության հյուսիսային մասում գտնվող Քիրյաթ Շմոնա քաղաքի ուղղությամբ՝ Լիբանանի հետ սահմանի մոտ։ Հարձակումների հետեւանքների մասին տեղեկություն չի հաղորդվում։
Սեպտեմբերի 23-ին Իսրայելը սկսել է «Հյուսիսի նետերը» ռազմական գործողությունը Լիբանանում «Հեզբոլլահ»-ի ուժերի դեմ, որի ընթացքում զանգվածային հարվածներ է հասցնում կազմակերպության ռազմական օբյեկտներին։
